هل فعلا فارس الاحلام بقى موضة قديمة؟

فى اول مواضيعنا الاسبوع دة قررت انى اتكلم معاكوا عن موضوع مهم جدا وهو موضوع الجواز واختيار شريكة الحياة واية المعوقات الى بتقابل اى شاب فى الجواز؟
حانبتدى موضوعنا بموضوع فارس الاحلام وهل فعلا لسة فية فارس احلام ولا دة بقى موضة قديمة؟
مع اختلاف العصر ومرور الزمن بقى فية حاجات تانية بتحكمنا فى حياتنا وحاجات كتير اتغيرت واهم الى اتغير مواصفات فارس الاحلام زمان كانت مواصفات فارس الاحلام بتكون عبارة عن فارس ييجى ياخد البنت على جوادة الابيض وينطلق بيها بس دلوقتى مواصفات فارس الاحلام بقت تقاس بحاجات تانية خالص اهمها انة يكون مليونير بدال ماياخدها على جوادة الابيض ياخدها على عربية المرسيدس وجيبلها الشقة الى على النيل والشالية فى مارينا والملابس والمجوهرات والهدايا
هو دة للاسف بقت مواصفات كتييييير من البنات مابقاش ينفع مثل عش العصفورة يكفينا واى لقمة تقضينا وبقى الشباب الغلبان ياعينى مش عارف يعمل اية . لما شاب يكون لسة متخرج يادوب حايجيب منين الشقة والفيلا والعربية علشان كدة اكتر من 90 فى المية من قصص الحب بتفشل علشان البنت تقعد تقول حاضحى يا حبيبى و حاستحمل وحاقف معاك وحانبنى حياتنا مع بعض بس عند اول فرصة للثراء كل كلامها بيتغير
للاسف انا بنت وبتكلم عن جنسى بس مش معنى كدة ان كل البنات كدة لا لسة فية نسبة قليلة بتحافظ على الحب بجد وانا فعلا بحط نفسى مكان اى شاب فى مصر كل امنيتة فى الحياة انة يتخرج ويشتغل و يلاقى بنت الحلال الى بتقف جمبة وتساعدة ويبنوا حياتهم مع بعض لكن بيتصدم بالواقع المؤلم الى بقينا عايشين فية

باب الصحة والجمال

معانا لكل البنات الحلوين احلى وصفات لعلاج جفاف البشرة بس ازاى نعرف ان بشرتنا من النوع الجاف؟
لو كانت بشرتك من النوع الرقيق والحساس والى تبدو مشدودة فاانت صاحبة بشرة جافة والنوع دة بيكون عرضة اكتر للتجاعيد المبكرة بسبب وجود خلل فى نسبة الماء
ولعلاج جفاف البشرة لازم : 1 - تناول كمية كافيسة من الماء كل صباح
-عدم غسل البشرة بالماء والصابون بصورة متكررة
تجنب استعمال الماء الساخن
التغذية الجيدة وتناول فيتامين ج وأ
استخدام الاقنعة بشكل اسبوعى
: ومن اهم انواع الاقنعة
قناع خميرة البيرة
: مكوناتة
2صفار بيض, 2 معلقة عسل, نص معلقة خل تفاح , نص معلقة زيت زتون
وهو يوضع على البشرة لمدة 20 دقيقة
ماسك العسل
: مكوناتة
2معلقة عسل , معلقة زيت لوز
تخلط المكونات جيدا و يوضع لمدة 3 دقايق على البشرة
قناع السكر
سكر +زيت زيتون
يتم خاط السكر بالزيت و يوضع على البشرة مع التدليك